يا تلاميذ غزة‏ - نزار قباني

( نزار قباني)

يا تلاميذ غزة

علمونا

بعض ما عندكم

فنحن نسينا علمونا

بأن نكون رجالا

فلدينا الرجال

صاروا عجينا علمونا

كيف الحجارة تغدو

بين أيدي الأطفال ماسا ثمينا كيف تغدو دراجة الطفل لغما

وشريط الحريريغدو كمينا كيف مصاصة الحليب إذا ما اعتقلوها

تحولت سكينا

يا تلاميذ غزة لا تبالوا بإذاعاتنا

ولا تسمعونا

اضربوا

اضربوا

بكل قواكم

واحزموا أمركم

ولا تسألونا نحن أهل الحساب

والجمع

والطرح

فخوضوا حروبكم

واتركونا

إننا الهاربون من خدمة الجيش

فهاتوا حبالكم واشنقونا نحن موتى لا يملكون ضريحا

ويتامى لا يملكون عيونا

قد لزمنا جحورنا

وطلبنا منكم أن تقاتلوا التنينا قد صغرنا أمامكم ألف قرن

وكبرتم خلال شهر قرونا

يا تلاميذ غزة لا تعودوا لكتاباتنا ولا تقرأونا نحن آباؤكم فلا تشبهونا

نحن أصنامكم فلا تعبدونا نتعاطى القات السياسي والقمع

ونبني مقابرا وسجونا

حررونا من عقدة الخوف فينا

واطردوا

من رؤوسنا الأفيونا

علمونا فن التشبث بالأرض ولا تتركوا(المسيح) حزينا

يا أحباءنا الصغار سلاما

جعل الله يومكم ياسمينا

من شقوق الأرض الخراب طلعتم وزرعتم جراحنا نسرينا هذه ثورة الدفاتروالحبر

فكونوا على الشفاه

لحونا أمطرونا بطولة وشموخا واغسلونا من قبحنا

اغسلونا

لا تخافوا (موسى) ولا سحر (موسى)

واستعدوا لتقطفوا الزيتونا إن هذا العصر اليهودي

وهم

سوف ينهار

لو ملكنا اليقينا يا مجانين غزة

ألف أهلا

بالمجانين

إن هم حررونا إن عصر العقل السياسي

ولى من زمان

فعلمونا الجنونا

اقرأ المزيد

كيف مضيت وقتي اثناء الحرب

بكلمات ولغة بسيطة يستوعبها الجميع يمكن ان نروي ايام الحرب التي عشناها سورياً ..

معظنا كان يرى أغلب القصف على التلفزيون .. هلقيت صار قدامنا مباشر

طول الليل الدنيا تضوي وتطفي.. زي الألعاب النارية..

بس العالم الألعاب النارية عندها من الأرض للسما.. إلا في غزة.. من السما للأرض..

هيهم وصلوا تل الهوى.. يعني بشيكل بكونوا عنا.. مش بشيكل ونص حتى..

أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم.. تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا..

من كتر الزهق من القعدة الواحد بتحير ايش يعمل في الدار.. مرات بقعد أعد البلاط

.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية)..

أو بقعد أتشغل في واحد من اخواتي..

ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه.. وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش .. ويوم من العشرة للوحدة.. وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة.. والله الواحد بتحير ايش يعمل في التلت ساعات ..

مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..

وغير هيك صاحبي عماد طلعت روحه وانا كل يوم رايح جاي جاي رايح عليه انا ومحمد صاحبي طبعا هادا محمد الله ستروا قبل هيك حكتلكم عنه لكا كان بدو يموت

المهم المشكلة طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها.. مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..

طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده.. شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني.. الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ.. بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها".. بس هالمقولة بتنطبقش عالصواريخ.. ولا ايش رأيكم..؟ أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية.. كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي.. ويطلع الشب بحزرك انه يكون عندك سلاح.. أو تتعامل مع واحد من المقاومة.. بس اليوم حسيت انه فش إلا تلفونا بكل غزة.. مسكتش وهوة يرن..

- ألو السلام عليكم...- وعليكم السلام.. - معك فلانة من ليبيا.. الله معكم.. الله ينصركم.. الله يقويكم.. - تسلمي يا حجة.. إدعولنا..

- الله ينصركم ويحفظكم..- يلا سلام عليكم..- وعليكم السلام..

هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه.. ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم.. لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا.. طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا.. أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل.. الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه.. أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو.. إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..ولو ضل معكم وقت.. إدعولي أصير غني.. ونشوفكم على خير..

اقرأ المزيد

من أكـــــون

دائماً مايكون حديث الإنسان عن نفسه شيء صعب، خاصة إذا كان هذا الإنسان مازال في بداية المشوار،مثلي ..ولو تُرك الأمر لي لما كتبت هنا شيئاً، لكني ولأن الكثير من زوار المدونات يهمهم في البداية معرفة من وراء الصفحات فذلك أرغمني على كتابة شيء من حياتي/ اسمي حازم عفانه، درست الحقوق في جامعة الأزهر بغزة واعمل الان محامي في المحاكم النظامية وكذلك رئيس مجلس ادارة جمعية فلسطين الغد في مدينة غزة ، ولدت وتربيت في هذه المدينة، أعشقها جداً وأكرهها في نفس الوقت، لاتقولوا فلسفة لكنها حقيقة ..

في بداية الثلالثينات من العمر متزوج ولديَ من الأطفال يزن، أهوى العمل التطوعي وأحب المشي و الأستيقاظ صباحاً عكس كثير من الناس : ) .. كل من تعرّف عليّ عن طريق الإنترنت كان يظنني ملتحياً أو بمعنى آخر [مطوع]،لا اعرف السر في ذلك !! , ولكن انا اسعد وأفتخر بذلك , هدف مدونتي هذه محاولة الرقي بكتاباتي أولاً، والتعرف على أصدقاء وإخوة من أجناس وأذواق وأماكن مختلفة، والأهم من كل ذلك أن أثبت وجودي في هذا العالم ,, إن أردت أضف مدونتي إلى مفضلتك وكذلك إلى قارئ الخلاصات الخاص بك-إن وجد- لتسعدني بوجودك الدائم .. شكراً على اهتمامكم بمعرفة المزيد عنّي وأتشرف بتواصلكم وحضوركم الدائم , وفي حال أردت مراسلتي او نشر كتاباتك او لمقترحاتك او لتقديم اي مساعدة يمكنك ذلك من خلال البريد الالكتروني التالي :

Hazem4gaza@hotmail.com
او التواصل معي على جوال : 00972599012315 

اقرأ المزيد

بطاقة تهنئة بالعامِ الجديد

سأشطبُ كلَّ التقاويمِ

يا غزةَ الشهداءِ

وأبدأُ من لحظةِ القصفِ..

تلكَ التي حررتنامن العدِّ

عدِّ البياناتِ

عَدِّ القراراتِ

عدِّ السخافاتِ

عدِّ التفاهاتِ والخطبِ البائسةْ

لنبدأ عدَّ الشهادةِ

عدَّ ليالي الصمودِ

وعدَّ وجيبِ القلوب

ِوعدَّ الحناجرِمن مدنِ الصمتِ هبَّتْ تجلجلُ بالثورةِ الصارِخة

سأشطبُ كل التقاويمِ

تلكَ التي تتكدسُ فيهاالليالي الخواءُ من العزِّوالبأسِ

يعلو عليهاغبارُ الهزائمِ

فلنفتتح عامنا منذ ميقاتِ موتِ الطفولةِ

فالموتُ فوق ثراناهو الإنتصارُ لمن ليس يدرك معنى الشهادة

سأشطب كلَّ التقاويم

فلتعذروني

لأني بدأت احتفالي

بعامي الجديدِ

من لحظةِ القصفِ في السبتِ

فاحتفلوا في الخميسِ

لكم حفلكم

ولنا حفلنا

لكمْ في ليالي الشتاءِاحتفاليةِ الضوءِ

لنا في ليالي الشتاءِاحتفاليةُ الدمِ

والعزةِ الناهضةْ

اقرأ المزيد